выканаўчы камітэт
Чэмпіянат і першынство Еўропы па спартыўным кіданні нажа стартуюць сёння ў Гомелі. Спаборніцтвы адбудуцца ўпершыню ў Беларусі, яны пройдуць па 25 чэрвеня, паведамілі БЕЛТА арганізатары.
Цырымонія адкрыцця адбудзецца ў абласным цэнтры алімпійскага рэзерву па лёгкай атлетыцы.
Чакаецца ўдзел больш як 70 спартсменаў ад 12 да 72 гадоў. Гэта прадстаўнікі Беларусі, Расіі, Грэцыі, Венгрыі і Сербіі.
Сярод удзельнікаў ёсць тытулаваныя спартсмены і дзеючыя чэмпіёны свету. Балельшчыкаў чакае яркая сустрэча: спартсмены правядуць для іх майстар-класы пасля спаборніцкай праграмы.
Усяго за гэтыя дні будуць разыграны восем камплектаў чэмпіянату і дзесяць - першынства.
Як растлумачылі арганізатары, галоўны спортінвентар - прафесійныя нажы, якія атрымалі акрэдытацыю міжнароднай федэрацыі.
Да спіса