Працоўны дзень у акрузе: Руслан Вягера правёў прыём грамадзян на Чачэршчыне

Дэпутат Палаты прадстаўнікоў Нацыянальнага сходу Руслан Вягера працуе ў выбарчай акрузе. Сёння ў Ленінскім сельвыканкаме ён правёў асабісты прыём грамадзян. 

Да парламентарыя звярнуліся з трыма пытаннямі: жыхароў турбуе стан дарожнага пакрыцця на ўчастку Вазнясенск – Падлужжа, якасць мабільнай сувязі на тэрыторыі сельсавета, а таксама паступіў зварот па садзейнічанні ў вырашэнні пытання аб стане здароўя ўнука. 

Руслан Вягера дэталёва разабраў кожную сітуацыю і ўзяў усе пытанні на асабісты кантроль. Галоўная задача, якую ставіць перад сабой дэпутат, – дабіцца станоўчага выніку па кожным звароце. 

Праца ў акрузе працягваецца.