Гонар Чачэршчыны: у нас ёсць першы тысячнік!

Што такое сапраўдная адданасць сваёй справе і любоў да роднай зямлі? Гэта калі ты знаходзішся на заслужаным адпачынку, але ў самую гарачую пару жніва вярта-ешся за руль, каб падставіць плячо калегам.

Менавіта так паступіў вадзіцель сельгаспрадпрыемства «Зорка» Віктар Патапенка. І гэты шчыры парыў прынёс выдатны вынік – Віктар стаў першым тысячнікам у нашым раёне, які перавёз 1000 тон збожжа новага ўраджаю!

З самай раніцы яго прыехалі павіншаваць кіраўнік раёна Сяргей Гайкоў, кіраўнік гаспадаркі Галіна Трыбунах і старшыня райкама прафсаюза АПК Анжаліка Краўчанка. Атмасферным падарункам для перадавіка стала шчырая песня ў выкананні ансамбля «Вольная птаха».