Кіраўнік Чачэрскага раёна пабываў на святочнай лінейцы ў першай гарадской школе

Усе яны гатовыя ўступіць у зусім новае жыццё. Гэта свята і для тых, хто не ўпершыню сядзе за парту, а зробіць чарговы крок па доўгай, але такой цікавай, поўнай адкрыццяў школьнай дарозе… Традыцыйную лінейку, прысвечаную Дню ведаў, у першай гарадской школе наведалі старшыня райвыканкама Юрый Дзеркачоў, кіраўнік ААТ «Звязда» Галіна Трыбунах і памочнік пракурора Дзяніс Савічаў.

Кіраўнік раёна павіншаваў педагогаў і школьнікаў з пачаткам навучальнага года. Першакласнікам пажадаў хутчэй уліцца ў дружную школьную каманду, а вучням дзевятых і адзінаццатых класаў – каб гэты год стаў самым выніковым. Таксама Юрый Мікалаевіч уручыў дзецям і іх настаўнікам грашовыя сертыфікаты за поспехі ў школьным жыцці.