У сувязі з эпідабстаноўкай Беларусь часова абмяжоўвае ўезд з Латвіі, Літвы, Польшчы і Украіны

У сувязі з існуючай эпідабстаноўкай у сумежных краінах Беларусь часова абмяжоўвае ўезд на сваю тэрыторыю праз наземныя пункты пропуску асобных катэгорый фізічных асоб з Латвіі, Літвы, Польшчы і Украіны. Аб гэтым карэспандэнту БЕЛТА паведаміў афіцыйны прадстаўнік Дзяржпагранкамітэта Антон Бычкоўскі.

Пад абмежаванні не падпадаюць супрацоўнікі дыпламатычных прадстаўніцтваў і консульскіх устаноў, дакументаваных дыпламатычнымі і службовымі пашпартамі; вадзіцелі транспартных сродкаў, прызначаных для выканання міжнародных аўтамабільных перавозак; члены паязных і лакаматыўных брыгад міжнародных чыгуначных зносін.

Разам з тым пункт пропуску ў Нацыянальным аэрапорце Мінск функцыянуе без вышэйадзначаных абмежаванняў.-0-